Tuesday 13 March 2012

အချစ်မသာ

ရင်မှာအကြာကြီးပိုက်လာခရေအချစ်
သက်ဆိုးမရှည်လိုက်ရ သူ့ခမျာ
အဖတ်မတင်ခမီးတွင်းထဲမှာ ဇာတ်သိမ်းလားယာ။

အကွင်ဆောင်လို့ပင်ငိုဖို့လူမဟိ
တတိုးချေတိတ်လို့ မျက်ရည်ကျဖို့ကိုထားဖိ
လူမသိသူမသိ အလှပရင်နာမိယေ။

တလားကဖို့လူမလာ သရဏဂုံမဟိ
ဓမ္မသာခြင်းသံမလွှမ်း ကြောက်ခမန်းလိလိ
နှစ်သိမ့်ဖို့လူမဟိ စိမ်းကတ်ပါဖိယေ။

လက်သင့်ခံဖို့ကမ္ဘာကြီး(နင်)မဟိယေခါ
ငါ့အချစ်တိသဘို့ဆိုးပတ်လို့ တစပြင်မှာပစ်လိုက်ရယာ။


သိရီစောခြိမ့်


အပြည့်အစုံသို့...

ငါ့နိန့်ရက်တခု

Type your summary here. Type the rest of your post here. 
 မျက်တောင်ခတ်ရဖို့ကိုပင် ငါမိန့်ချင်ချင်
မြင်မြင်ရာအရာတိုင်းဟာ နင့်အရိပ်ယာ။


ငါတစ်ယောက်ထဲလား မသေချာဂေလဲ့
ငါတခါလဲအထီးမကျန်ခစော် အမှန်ယာ။


အဖြူရောင်သခြင်းတိ ငါ့နားမှာအမြဲတမ်းဖြတ်သန်းနီရေ
ငါသံဇိုဉ်တိုင်းကို စည်းဝါးတကျလိုက်ဆိုနီလီယင့်။


လူတိကတော့ပြောနီကတ်လီယင့် ငါမကြားအောင်
ငါဟာ ဆွံ့အ ကန်း ပင်း စိတ္တဇ အချစ်ရူးလတ်။


သိရီစောခြိမ့်

အပြည့်အစုံသို့...

Monday 10 October 2011

မိန့်မရရေ လိမ္မော်သီးတလုံး


မိဘမဲ့ကျောင်းက ကြီးပြင်းလာလတ်တေ လူငယ်တယောက်က သူတွိကြုံဖူးခရေ အတွိအကြုံချေတခုကို အဂုပိုင် ပြောပြပါရေ။

အကျွန်အချေကပင် အကျွန့်မိဘတိ သီလားခလို့ ၉ နှစ်သားမှာ လန်ဒန်မြို့က မိဘမဲ့ ကျောင်းတကျောင်းမှာ လားနိန်ခရပါရေ။ မိဘမဲ့ကျောင်းလို့ ဆိုစော်ပါရာ ထောင်နဲ့ ကောင်းကွာစော် မဟုတ်ပါယေ။ နိခင်းအချိန်တိမှ အကျွန်ရို့ ၁၄ နာရီလောက် အလုပ် လုပ်ကတ်ရပါရေ။ ပန်းခြံမှာ စိုက်ရ၊ ပျိုးရရေ။ မီးဖိုချောင်မှာ ကူပီးရရေ။ တခါတလီ လယ်လဲ ထွန်ရပါရေ။ ယကလေ့ တ နိပြီးကေ တနိရာ ကုန်လားခပါရေ။ အကျွန်ရို့ဘဝတိစော် ပြောင်းလဲမလာခပါ။

တနှစ်ပတ်လုံးမှာ အကျွန်ရို့အတွက် နားရက် တရက်ရာဟိပါရေ။ ယင်းနိစော် ခရစ်မတ်နိပါ။ ယင်းနိမှာ ဘုရားသခင်ကို ပူဇော် ရေအနိန်နဲ့ လူတိုင်း လိမ္မော်သီးတလုံးစီ ရကတ်ပါရေ။ ခရစ်စမတ်မှာ အကျွန်ရို့အတွက် အစားအသောက်ကောင်းတိ မသျှိ.. ကဇတ်စရာ အရုပ်တိမသျှိ.. ကျနော်ရို့အတွက် ဝီစုစော် လိမ္မော်သီး တလုံးပါရာ။ တနှစ်ပတ်လုံး အမှား မကျူးလွန်ရေလူ၊ ပြော သမျှ စကားကို နားထောင်ပြီးကေ လိမ္မာရေလူမှရာ လိမ္မော်သီး ရစော်ပါ။ ယင်းအတွက်ကြောင့် ခရစ်စမတ် လိမ္မော်သီးစော်  အကျွန်ရို့အားလုံးအတွက် တနှစ်ပတ်လုံး မျှော်လင့်ချက် ဖြစ်ခပါရေ။

ယင်းပိုင်နဲ့ ခရစ်စမတ် ပွဲတော်ရက် တရက်ရောက်လို့ လာပြန်ပါရေ။ ယင်းရက်က အကျွန့်အတွက် ကမ္ဘာပျက်တေနိပါ။ အချေ တိအားလုံး လိမ္မော်သီးရဖို့အတွက် ကျောင်းအုပ်ကြီးရှိမှာ တန်းစီနိန်ကတ်တေ အချိန်မှာ အကျွန်က အခန်းဒေါင့်တနီရာမှာ အ ပြစ်ဒဏ်ခံနိန်ရပါရေ။ ဇာဖြစ်လို့လဲဆိုကေ ကုန်ခရေ နွီရာသီအချိန်မှာ ကျောင်းကနိန် ထွက်ပြီးဖို့ ကြိုးစားခမိလို့ပါ။

လိမ္မော်သီးရရေ အချေတိစော် ခြံထဲမှာ ကဇတ်ခွင့်ရကတ်ကေလေ့ အကျွန်က အိပ်ခန်းထဲက အပြင်ကို မထွက်ရဘဲ တရက် ပြတ်လုံး လဲလို့နိန်ခရပါရေ။ အကျွန် ကောင်းဝမ်းနည်းမိရေ။ ကကောင်းလဲ ရှက်မိရေ။ အခန်းဒေါင့်ချေမှာ တယောက်တည်း ကုတ်ပနာ သငယ်ချင်းတိ ကဇတ်နိန်ရေ အသံကိုနားထောင်ယင်း တယောက်ထဲ ကောင်းဝမ်းနည်းလာပနာ မျက်ရည်ကျမိပါ ရေ။ ဒေလောကမှာ အကျွန်အသက်ရှင်နိန်စော် တခုလေ့ အဓိပ္ပါယ်မသျှိဗျာလ် လို့ဆိုပနာလဲ စိုဉ်းစားမိလာပါရေ။

တအောင့်လောက်အကြာမှာ အကျွန့်အခန်းထဲကို ဝင်လာရေ ခြီသံတခုကို အကျွန်ကြားမိလိုက်တေ။ အကျွန် ခန္ဓာကိုယ်နဲ့ လုံး နိန်ရေ ပုဆိုးကို လက်တဖက်က ဆွဲလှန်လိုက်စော်ကို အကျွန်သိလိုက်တေ။ မျက်စိကို အသာချေဖွင့်လို့ ကြည့်လိုက်တေမှာ  ဝီလီလို့ ခေါ်ရေ အကောင်ချေတယောက်က ကုတင်ရှိမှာ ရပ်နိန်စော်ကို တွိလိုက်ရရေ။ သူ့ညဖက်လက်နှစ်ဖက်မှာ ဆုပ်လို့ကိုင် ထားရေ လိမ္မော်သီးကို အကျွန့်ကို ကမ်းပီးနိန်စော်ရာမနား။ သူ့ဘားမှာ ဇာပိုင်ပျင်လို့ လိမ္မော်သီး တလုံးအပိုပါလာလတ်ရလေ လို့ ဆိုစော် အကျွန်စိုဉ်းစားမရ ဖြစ်လားရေ။ ဝီလီကို ကြည့်လိုက် လိမ္မော်သီးကို ကြည့်လိုက်နဲ့ အကျွန် ဇဝေဇဝါ ဖြစ်နိန်မိရေ။

ဝီလီက လက်ကို ရှိတိုးပနာ ထပ်ကမ်းပီးလာပြန်ရေ။ အခွံနွှာထားရေ လိမ္မော်သီးကို အသေအချာကြည့်လိုက်မိခါမှ အရာရာကို အကျွန်သဘောပေါက်လားမိရေ။ အကျွန့်မျက်လုံးအိမ်တိမှာ မျက်ရည်တိပြည့်တက်ပါလတ်စော် ဇာပိုင်ပြောပါဖို့လဲ.. တခုပိုင် လေ့ မခံစားနိုင်ပါဗျာလ်လေ။

ဝီလီကမ်းပီးလာရေ လိမ္မော်သီးကို လက်နှစ်ဖက်နဲ့ အကျွန် တယုတယ ယူလိုက်တေ။ မဟုတ်ကေ လိမ္မော်သီးတိ အမွှာလိုက် အမွှာလိုက် ကွဲထွက်လားလီဖို့။ ဇာဖြစ်လို့လဲဆိုကေ ဝီစုရရေ အချေဆယ်ယောက်က ဒေခရစ်စမတ်မှာ အကျွန့်ကိုလည်း လိ မ္မော်သီး တလုံးရစီချင်၊ လိမ္မော်သီးတလုံး ပိုင်စီချင်ရေ ဆန္ဒတိနဲ့ သူရို့ဝီစုထဲက လိမ္မော်သီး တစိပ်စီကို ယူပြီးကေ လိမ္မော်သီး တလုံးဖြစ်အောင် ပေါင်းလိုက်စော်ပဲ ဖြစ်ပါရေ။ အကျွန့်ဘဝမှာ ယင်း လိမ္မော်သီးစော် အချိုဆုံး၊ အကောင်းဆုံး ခရစ်စမတ် လက်ဆောင် ဖြစ်ခပါရေ။ သူရို့ဘားက စစ်မှန်ရေ သူသငယ်ချင်းပီသမှုကို အကျွန်ခံစားမိလိုက်ရလို့ပါလေ။

သငယ်ချင်း မိတ်ဆွေဆိုစော် ဘဝမှာ အဖိုးတန် အပေါင်းအဖော်တိပါ။ မတော်တဆ ပြောလိုက်မိရေ စကားချေ တခွန်းနဲ့ အပြု အမူတိအတွက် စိတ်ထိခိုက်မှုဖြစ်နိန်ပါလား.. ယင်းပိုင်စိတ်ထိခိုက်မှုဖြစ်နိန်ကေ ကိုယ့်လက်ထဲက လိမ္မော်သီးချချိုချေတစိပ်ကို မျှဝီလိုက်ပါ.. နှလုံးသားက ရယ်မောသံတိ ကိုယ့်ကိုယ်ကို ပြန်ကြားရပါလိမ့်မေ။

အကျွန်ကြိုက်နှစ်သက်တေ ပို့စ်ချေတခုပါ။ ဒေပို့စ်ချေကိုလဲ အကျွန်ကြိုက်နှစ်သက်တေ ဘာသာပြန်စာရွီးဆရာမ နိုင်းနိုင်းစနေ ပြန်ထားစော်ပါ။ အကျွန်ကြိုက်နှစ်သက်မိလို့ ပြန်ပြီးက ကိုယ့်ရခိုင်လီသံနဲ့ပြန်ရွီးပနာ အမှတ်တရ အနိန်နဲ့ တင်လိုက်ပါယင့်။

ဖိုးခေါင်

၁၀.၁၀.၂၀၁၁

India Time-6:51 PM

 

အပြည့်အစုံသို့...

Monday 3 October 2011

ဖြူစင်ဖို့

ငါ့ဧမိုးထတိုင်းကို ရွီအိုရောင်တိနန့်ဖန်ဆင်းပီးပါ
နီတ၀င် နင့်ကိုငါ ကြည်လင်စွာချစ်ချင်လို့။

ငါ့ရင်ခွင်ထဲကို တိုင်းဝှီ့ကာညင်ညင်ချေဝင်လာပါ
နင့်ကိုငါ အဆုံးအစမဟိရေမိတ္တာနန့်နွီးထွီးစီဖို့။

ငါ့ရှေ့မှာ အမှားတိအားလုံးကိုဝန်ခံပါ
သံသယကင်းရေအမြင်နန့် ဆက်ဆံရီးကိုနှောင်ချိုည်ချင်လို့။

ငါ့ပါးကိုလာ ရှုပ်ထွီးမှုတိကိုရင်ဖွင့်ပါ
ခေါင်းချင်းဆိုင်စိုဉ်းစားဗျလ် အဖြေမှန်ရနိုင်ဖို့။

ငါ့ကိုရှက်ပနာ အားမနာဂေ့ အမှန်ပြောပါ
ရည်းစားတစ်ယောက်ထက်မကရေ မိတ္တာတရားနန့်ငါကြင်နာနီလို့။


သိရီစောခြ်ိမ့်

အပြည့်အစုံသို့...

Sunday 11 September 2011

တည်စီ











သိစ္စာတရားရို့ ပျောက်ပျက်လီဖို့လား
ဒေပဂျီကား အပြာရောင်စည်းဘောင်တိတားမထားလို့။

အလွမ်းမိုးရို့ ရွာသွန်းလီဖို့လား
ဒေမျက်လုံးကြား တနယ်စီခြားသွီးအီးလားလို့။

သံသယရို့ မင်းမူလီဖို့လား
ဒေရင်တံခါး ကြားလူဝင်ကာလှုပ်ခတ်လာလို့။

သိရီစောခြိမ့်

အပြည့်အစုံသို့...

Tuesday 23 August 2011

ဟီးရိုး နန့် သတ္တိ



·          ယောက်ျားကောင်း၊ ယောက်ျားမြတ်ရို့ အနှစ်သာရစော် အသိစိတ်၊ အသိတရား ဖြစ်တေ။

·          တရွာတည်းသားချင်း၊ တရပ်တည်းသားချင်း၊ တကျောင်းတည်းသားချင်းထဲမှာ တယောက်က နွားကျောင်းသားဖြစ်ပနာ တယောက်က ဝန်ကြီးချုပ်ဖြစ်ရခြင်းရေ သတ္တိဖြစ်တေ။

·          သတ္တိစော်၊ လုပ်ရည်ကိုင်ရည်နန့် လုပ်ရဲ ကိုင်ရဲမှု နှစ်ခုလုံးမှာ အကျုံးဝင်ရေ။

·          ပြောဝံ့၊ ဆိုဝံ့၊ လုပ်ဝံ့၊ ကိုင်ဝံ့၊ တွီးဝံ့၊ တောဝံ့ ဟိဖို့လိုရေ။

·          ယင်းအတွက် သတ္တိကို မွီးမြူလိုက်ပါ။  မကြာခင် ရှိတန်းကို ရောက်လာပါလိမ့်မေ။

·          လူ့ဘဝမှာ အမိုက်မှောင်ဆုံး ကာလတိနန့် ကြုံရတတ်တေ။ တိမ်တိုက်တိနန့် ဖုံးနိန်တတ်ပြန်ရေ။ ယကေလေ့ တည်ငြိမ်ရေ စိတ်နှလုံးနန့် ကျလုလုစိတ်ကို ဆွဲနိုင်သမျှဆွဲတင်ထားပါ။ ဇာလောက်ပင် ဖုံးနိန်ရေ တိမ်တိုက်ပင်ဖြစ်လီပတ်စီ ငွီရောင်အနားကွပ်က ရှိတတ်စမြဲဆိုစော်ကို သတိရလိုက်ပါ။

·          ကျဆုံးခြင်းစော်ရေ အောင်မြင်ခြင်းအတွက် ပထမဆုံးခြီလှမ်းဖြစ်တေ။
·          သရော်လှောင်ပြောင်မှုခံရတိုင်း သည်းခံစိတ်အပေါ်မှာ သတ္တိအပင်ကို စိုက်ပါ။ မကြာခင်မှာ သီးပွင့်လာဖို့စော်က ဧကန်မုချချင့်။

·          စိတ်ပျက်အားငယ်မှုတိနန့် ကြုံတိုင်း သတ္တိကို မွီးမြူရရေ။ ဖြစ်လာရေ စိတ်အားငယ်မှုကို ဒေအတိုင်းဆက်ထားကေ နဂိုကဟိနိန်ရေ ကိုယ့်စိတ်ဓါတ်တိပါ မြောင်းထဲကိုရောက်လားနိုင်ရေ။ ယင်းပိုင် စိတ်အားငယ်မှုကို သတ္တိနန့်ရာ ခြီဖျက်နိုင်ဖို့။

·          ကိုယ်ရည်မှန်းထားရေ ပန်းတိုင်ကို အရောက်ချီတက်နိုင်ဖို့အရေး ဖျက်ဆီးနိုင်စော်အရာက ကိုယ့်ကိုကိုယ် မယုံမကြည်ဖြစ်ခြင်းဖြစ်တေ။

·          တခါတလီ အကျွန်ရို့စိတ်ထဲမှာ ဟိနိန်ရေ သံသယတိစော်ရေ သစ္စာဖောက်တိဖြစ်တေ။ သွီးထိုးတတ်တေ။ ဆွဲဆောင်တတ်တေ။ ပျက်စီးခြင်းကို ရောက်စီရေ။

·          တခု သတိထားရဖို့စော်က ဆုံးသျှုံးဖို့ကိုကြောက်လို့ တခုလေ့မလုပ်ပဲနန့် သျှောင်နိန်ကေ။ အောင်မြင်မှုတိကိုလဲ သျှောင်ပြီးသားဖြစ်နိန်ပါလိမ့်မေ။

·          သတ္တိဟိရေ လူစွမ်းကောင်းတိရေ အောင်မြင်ဖို့အကြောင်းကို စိုဉ်းစားလုပ်ဆောင်ယင်း ဆုံးသျှုံးမှုအတွက်လဲ တကွက်ကြိုတင် ပြင်ဆင်ရေ။ ယကေလေ့ လူသာမန်တိကတော့ကေ သက်သာ ဖို့အကြောင်းကို စိုဉ်းစားလုပ်ဆောင်ယင်း ဆုံးသျှူံးမှုဖြစ်လာဖို့အတွက် ဒူးတုန်နိန်တတ်တေ။

ဒေနီရာ ချေက ကိုးကားပါရေ။

ဖိုးခေါင်
၂၃.၈.၂၀၁၁
India Time:4:55 PM











အပြည့်အစုံသို့...

Tuesday 16 August 2011

ထရံတဖက်စီမှာ


တိတ်ဆိတ်မှုတိ ကိုယ်စီနန့်
ဗလာကျင်းနိန်ရေ နှုတ်ခမ်းလွှာတိကြား
ကြိုတင် ကော်မသုတ်ထားမိခလို့လား..

ငါမှားနိန်ရေလို့ 
ပြောလာရေတနိ
ငါ့ကိုငါ ဇောက်ထိုးဖြစ်အောင်လုပ်မိဖို့..

မသိလိုက်မသိဘာသာ ဆိုရေ 
ဝေါဟာရချေတခုက ဥပက္ခာဆိုရေ
အနက်အဓိပ္ပါယ်ချေတခုကို
ငါ ဖော်ကျူုးခွင့် မပြုပါရစီကေ့..

မုသားမပါရေ အချစ်တိနန့်
နှလုံးသားကို တရုတ်အပ်စိုက် ဆီးကုနည်းမှာပိုင်
တချောင်းချင်း တချောင်းချင်း
ထိုးစိုက် စမ်းသပ်ဖို့ဆိုကေတောင်
ငါ့အချစ်က မင်းအတွက်
ကမ္ဘာတည်သရွိပါ..။


ဖိုးခေါင်
၁၆၊၈၊၂၀၁၁
India Time:12:43 PM 


အပြည့်အစုံသို့...